23 naýryz. Qamshý.kz  - Qyrǵyzstan Respýblıkasy Konstıtýsıasynyń til týraly tarmaǵyna  birqatar ózgertýler engizilýi tıis. Sonyń ishinde birinshi kezekte  memlekettik oryndardaǵy "resmı" tildiń qoldanylýy aıasyn  taryltý kerek. Bul týraly búgin Qyrǵyz Respýblıkasy memlekettik til jónindegi Ulttyq komısıanyń tóraǵasy Egemberdı Ermatov jýrnalıserge bergen suhbatynda málimdedi.

Ulttyq komısıa tóraǵasy Qyrǵyzstan Respýblıkasyndaǵy memlekettik oryndarda, mınıstrler kabıneti men Úkimet saǵattarynda QR memlekettik tili - qyrǵyz tili tasada qalyp, shendilerdiń  kóbinese resmı tilge júginetiniń synǵa ala otyryp, Qyrǵyzstandaǵy qyrǵyz tiliniń statýsyn kóterý úshin Konstıtýsıaǵa ózgertý engizý qajet dep esepteıdi. Sebebi, qazirgi QR Konstıtýsıasynyń til týraly tarmaǵynda memoryndarda resmı tildiń dárejesi memlekettik tilden joǵary turady. Osyny jeleý etken shendiler memlekettik jıyndarda jáne Úkimet saǵattarynda qyrǵyz tilinde emes, orys tilinde sóıleıdi.

"Biz jaqyn arada zańǵa ózgertý engizbesek, mınıstrlikter men memlekettik mekemelerde memlkettik is júrgizýler tek resmı tilde jasalatyn bolady. Bul birte-birte ana tilimiz - qyrǵyz tiliniń joıylý qaýipine ákelip soqtyrady.Qazirdiń ózinde memlekettegi is júrgizý prosesteri resmı tilde júrgiziledi. Sebebi, Konstıtýsıada solaı jazylǵan. Oǵan biz esh shara qoldana almaımyz",-deıdi Ermatov.

Alaıda Qyrǵyz Respýblıkasynyń Konstıtýsıasyna ózgertýler engizý úshin, elde referendým ótkizilýi tıis. Atalmysh referendýmda osy bastamany qoldaýshylardan 300 myń adamnyń qoly jınalýy tıis. QR negizgi zańyna referendýmsyz ózgertýler engizý múmkin emes. Sebebi, 2020 jylǵa deıingi bekitilgen moratorııge sáıkes, qandaıda biz ózgertý jasaý úshin mindetti túrde referendým ótkizilýi tıis delingen.

Nurzat Toǵjan